Verkiezingsprogramma BBB in het Sallands

Gezonde bodem
Gezonde planten
Gezonde dieren
Gezonde boern

Gezonde burgers
Gezonde economie
Gezond onderwijs
Gezonde maatschappij

GEZONDE BODEM:

1. Vruchtbare grondn blievn beschikbaar veur voedselproductie.

2. Wie bemestn naor behoefte en zörgn er zo veur det de plantn nit langer ondervoed bint en de bodem nit uut eput wordt.

3. D’r komt gin beleidswiezigingn zonder veur of gaonde praktijkproevn bi-j representatieve bedrievn. Mettn = Weetn

4. De zeggn schap van voedselproducentn bie de waterschappn blif beholdn um zo de voedselproductie veilig testelln.

5. Zeut water essentieel veur plantn ,diern en leu .De beschikbaarheid en ’t behold van zeut water hef hoge prioriteit.

6. Zi-j voern ’n praktisch uutvoerbaar mestbeleid in. Mest uutriedn wordt weersofhankelijk in plaatse van kalender of hankelijk.Bi-j ’t Mestbeleid steet ’t vakmanschap,de kennis en de ervaring van de voedselproducent veurop.

7. Initiatieven um fosfaat uut menselijke ontlasting te genereern wordn bevorderd.

8. Het gebruuk van organischemest wordt bevorderd en daor waor meugelijk geet ’t kunst-mest vervangn.

9. Waterbeheer en waterberging hebbn veurrang in beleid en uut voering.

GEZONDE PLANTEN:

1. De emissies en vastlegging van breukasgassen wordn verrekkend (dus uutstoot minusvastlegging). Det is de warkelijke uitstoot.

2. Het huudige mooie cultuurlandschap op ’t platteland wordt beholdn zodet de teelt vanveilig lokaal voedsel gegarandeerd is.

3. In onze bebouwde ruumte kömt meer aandach veur planten a’s temperatuurregelaar, producent van zuurstof en voedsel en vestigingsplaatse veur vogels,dieren en andere plantn.

4. De kamerplantn komt terugge in de Tweede Kamer en alle andere overheidsgebouwen. Veur meer frisse loch en zuurstof. Det bevordert gezond verstand.

5. Sinds wie plantn bescharmt teegn zeekten en plaogen met Gewasbeschermingsmiddeln hebbe wie in Europa gin hongersnood meer. Dewetenschappelijke onderbouwing van’t College veur de toelaoting van gewasbeschermingsmiddelen en biociden (Ctgb) bepaolt de toelaoting van gewasbeschermingsmiddelen en nit de emotie van de politiek. De politiek wisselt elke vier jaor, dit is gin garantie veur consistent beleid met kennis van zaakn.

6. Wie zetten barmen, greunstrookn en akkerranden in om de insecten- en bieënpopulatie te bescharmen. Boern die hier in investeren wordn hierveur beloond via de pries van hun producten.

7. Grös kömt in plaatse van tuintegels, oases in plaatse van kale winkelpleinen. Er kömt meer planten, tuinen en stilte ëbossen in de openbare gebouwn.

8. Wie stimuleren het plaatsen van insectenhotels zodet insecten weer teruge kömt in de stad, Dit bevordert ok de terugkomst van vogels.

9. Het gebruuk van bescharmingsmiddelen veur zaoden wordt toe estaan um plaogen en misoogsten te veur kömn.

10. Wie geeft ’n impuls an (fundamenteel) onderzeuk naar innovatieve teelt-en dierhouderieë systemen. Nieuwe systemen die kostpriesverhogend bint, wordn deur erekkend in de pries van ’t voedsel. Wie maakt precisietechnieken in de landbouw praktijkriepe en stimuleren het gebruuk d’er van.

11. Wie stimuleren de ontwikkeling van nieuwe moleculen veur gerich bestriedn van zeekten en plaogen.

12. Veur ’t gebruuk van gewasbeschermingsmiddelen gelden veur burgers dezelfde regels a’s veur boern.

13. Barmen en greunstroken in beheer van de överheid, worde op ’n natuurlijke wieze beheerd. Er wordt alleene emeid waor det strikt noodzakelijk is veur de verkeersveiligheid. Wie zeit barmen in met bloomrieke inheemse mengsels.

14. Ok planten hebben rech op ’n goed gevulde medicijnkaste.

GEZONDE DIEREN:

1. Wiej voern ’n fonds, det wordt gefinancierd deur supermarkten. Uut dit fonds krijgn boern ’n vergoeding veur extra (bövenwettelijke) dierwelzijns-,diergezondheids- enmilieu inspanningen. Hoe meer inspanningen, hoe hoger de vergoedingen veur de boer.

2. Er kump gin nieuwe wet- en regelgeving in Nederland en EU op ’t gebied van diernwelzijn en diergezondheid a’s de kostn die de boern mot maakn, nit in de pries van de productn is op enömn.

3. De wetenschappelijke onderbouwing van ’t College veur de toelaoting vangewasbescharmingsmiddeln en biociden (Ctgb) bepaolt de toelaoting van ontsmettingsmiddeln en nit de emotie van de politiek. De politiek wisselt elke vier jaor, dit is gin garantie veur consistent beleid met kennis van zaakn.

4. Er kömt eenduudige welzijnsregels binn EU-verband. Met duudelijke communicatie op (middelbare) scholen en via consumenten organisaties.

5. Antibioticareductie is een goed streevn, ma’r de zuch naor steeds minder antibioticagebruuk, mag nooit leidn töt verminderd diernwelzijn. BBB zal hier scharp op toezeen. Diern mot – indien noodzakelijk – behandeld kunn’n blievn wordn met antibiotica.

6. Het voern van diern met minder eiwit, um de stikstofuitstoot te vermindern mag nooit leidn töt minder gezonde diern. Agrarische belangenbehartigers kriegn de vrieheid um te kömn töt ’n praktisch warkbaar systeem det goed is veur diern. Er kömt gin verplichte reductie van eiwit in veevoer.

7. Wanneer ie-j ’n dood dier in de openbare ruumte vindt, mot ie-j det makkelijk en veur niks kunn’n meldn um op te laoten halen. Zo veur kom ie-j uibraakn en overdrach van besmettelijke zeekten en gao ie-j met respect umme met de diern.

8. Schademeldingen (als gevolg van bijv. ganzn, wolvn en wilde zwien’n) bie ‘t Faunafonds is veur niks in plaatse van honderden euro’s en wordn volgens landelijk uniforme regels öf ewikkeld.

9. Wi-j handhaavn de nulstand van wilde zwien’n buuten an ewezen natuurgebiedn. Hierveur wordn voldoende middeln vrie emaakt zodat er gin overlast is van zwart wild in perceeln van boern en tuin’n van burgers.

10. Een boer mag zelf zien dierenarts uutzeukn en kan makkelijk van dierenarts wisseln

11. In naovolging van zeeknhuuzen in Noord-Brabant gaon alle zeekenhuuzen in Nederland de regels veur leu die bint besmet met de vülle minder besmettelijke diergerelatèèrde MSRA’s, ten opzichte van humaan gerelatèèrde MRSA’s anpassen an de huudige kennis van zaakn.

12. Wi-j bint begaon met ‘ welzijn van (landbouw)huusdiern, dus ok van pèèrdn, gezelschapsdiern en (wilde) diern in de natuur. Wi-j reegeln ’n One Welfare benadering deur ’n expertteam.

13. Er kömt extra welzijnsregels bie dize categorieën, a’s ’t natuurlijke gedrag wetenschappelijk in het geding is. Extra welzijnsregels deen’n te allen tiede uut eleg te kunn’n wordn an consumentn.

14. Daor waor extra welzijnsregels töt ’n hogere köstpries leidn, gaon supermarktn de hogere pries zonder extra opslag deurrekkn an de consumentn en daor over eerlijk communiceren.

15. Er kump extra andach veur de positie van gezelschapsdiern in verstedelijkt gebied of de (wilde) diern in natuurgebiedn.

16. Veur wat betreft het holdn van exotische diern deur particuliern kump d’r ’n negatieflieste, met daorop alene de soortn die:

a. beweezn hebbn det ze ongeschikt bint um deur particuliern eholdn te wordn, bieveurbeeld umdat ze arg gevaorlijk bint (bijv. katachtigen van > 5kg en aapn van > 5kg)

b. bewiesbaar schadelijk kunn’n wèèn veur de autochtone biodiversiteit (invasieve exoten), daarbie gebruuk maakn van de Europese lieste veur Invasieve soortn.

Daornaost geet de overheid richtlijn’n opstelln veur het holdn van exotische exoten, zoa’s die ok in Duutsland bestaon. De overheid mot ’n goede controle verzörgn, en handhaavn met strenge straffn.

GEZONDE BOERN:

1. Nederland krig ’n wet Recht op Landbouw. Dize wet waarborgt ’t bestaonsrecht van boern, vissers en tuinders in Nederland. Zo wordt veurkömn det leu en organisaties, die gin directe belangn hebbn bie uutbreiding of modernisering van wettelijk toegestaone agrarische bedrievn, jaorenlange procedures gaon voern teegn boern, alleene ma’r umdet ze teegn n bepaolde bedriefstak bint.

2. Um veur jonge boern bedriefsopvolging meugelijk te maakn, en zo de toekomstige voedselproductie in Nederland veilig te stelln, wordn extra geldn en fiscale veurdeeln beschikbaar esteld. De meugelukheedn deent zo inericht te wèèn det jonge boern emakkelijk gebruuk kunn’n maakn van en toegang hebbn töt de regelingen, in plaatse van det ze teegn ’n barg van regels en bureaucratie anloopn. Het plattelandsbeleid wordt opesteld saamn met de agrarische sector, plattelandsbewoners, bedriefsleevn en wetenschappers.

3. Er kömt gin nieuwe wet- en regelgeving a’s de extra kostn die de boer hierveur mot maakn, nit in de pries van de productn wordt openömn.

4. Överheidsuutingen en -campagnes umtrent voedselproductie en Voedselconsumptie wordn eerst etoetst op waorheid en feitn.

5. Ondernemmers wordn op dize maniere meugelijk blootesteld an agressie en geweld deur leu die nit an ’n individueel mondkapjesadvies wilt voldoon. Um nog ma’r nit te sprekkn van de on-handhaafbaarheid A’s wi-j ’t hebbn över ’t Covid-19virus, gebruuke wi-j ’t woord Covid-19. Corona dekt nit de lading van dit virus. Coronavirussen bint de’r in vulle soortn en maoten en kömt bi-j tal van diern veur. Dit is niet altied Covid-19.

GEZONDE BURGERS:

1. Politieke moties waorin wordt evraagd um ’n fokverbod veur diern die geveulig bint veur coronavirussen wordn dan ok ongeldig verklaord, of wordn tekstueel anepast veur ’t indeen’n er van. Dit zöl immers anders beteekn det er ’n fokverbod wordt evraagd veur vulle diern in Nederland. Dus ok veur hondn, kattn en pèèrdn.

2. Er bint goede veurzieningen neudig (openbaar vervoer, schooln, geldautomaat, ambulance, politiepost, medische en culturele veurzieningen, snel internet) op ’t platteland waordeur old en jong zich thuus kunt blievn veuln in hun eign regio. Naost ’t Grote Stedenbeleid, kömt d’r ’n plattelandsbeleid um de leefbaarheid in de regio’s te waarborgn en te bevordern.

3. De överheid is er veur de inwoners en nit andersumme. Beleid, holding en gedrag van de överheid wordt hierop etoetst.

4. Er kömt ‘meer handn an ’t bedde’ in de zörg zodet er ok meer tied is veur sociaal contact.

5. De grote rol van vriewilligers en mantelzorgers in met name de olderenzörg wordt erkend en gefaciliteerd. Daorum wil BBB det in de dorpn waor voldoende ruumte is, leu in de gelegenheid esteld wordn ’n zogenaamde ‘kangoeroewoning’ gestalte te geevn, bi-jveurbeeld deur ’t plaatsn van ’n ruum tuinhuusje of woonunit. Zo det zi-j zörg kunt biedn an hun olders.

6. Er kömt ’n Minister veur ’t Platteland met ’n departement op minimaal 100 km ofstand van Den Haag.

7. Wi-j beparkn de wet- en regelgeving. Er kump gin nieuwe wet- en regelgeving zonder det er ok bestaonde wettn en regels wordn ofeschaft.

8. Wi-j zörgn veur t behold van de agrarische sector en MKB-bedrievn op ’t platteland en holdn daor met warkgelegenheid, leefbaarheid en ’n gezonde economie in stand.

9. Wi-j beholdn ’t huudige cultuurlandschap op ’t platteland, waor leu uut de stad kunt recreëren en gezonde loch kunt inödemn.

10. Wi-j stimuleern vegreuning deur burgers (tegels eruut, greune balkons, meer plantn, tuin’nen boomn etc.)

11. Wi-j faciliteern ’t behold en de terugkeer van buurtwinkels op ’t platteland.

12. Wi-j laoten bürgers zelf bepaoln wat zi-j willn etn, de taak van de överheid is informeern en veurlichtn.

13. Wi-j geevn an burgers eerlijke informatie över ’t belang van dierlijke eiwittn in ’n uutgebalanceerd voedselpatroon.

14. Het Kabinet geet 9 miljoen euro investeern in Voedselbanken Nederland. Met dit bedrag kan ‘ ministerie van Sociale Zaakn ’n Europese subsidie van 60 miljoen euro anvraogn bi-j de Europese Commissie veur Voedselbankn Nederland. Dit Europese fonds veur voedselbankn bestaon gewoon, alleen Nederland gebruukt die meugelijkheid nit. Ter vergelieking: Frankriek krig elk jaor 500 miljoen euro Europese subsidie veur voedselbankhulp. De 60 miljoen euro is hard neudig. Het aantal leu det gebruuk maakt van de voedselbank in Nederland stiegt elk jaor. Verwacht wordt det er (vanwege Covid-19) komd jaor nog ’n extra greui te zeen zal wèèn van 30-35 procent.
Agrarische organisaties bundeln intussn de krachtn met Voedselbankn Nederland, um de voedselvoorziening an voedselbankn ’n impuls te geevn.

15. Wi-j verbiedn de import van productn die geproduceerd bint op een maniere die in Nederland zelf nit is toeestaon. Handelsverdraagn mot hierop getoetst wordn en waor neudig anepast.

16. Productn die vitaal bint veur de Nederlandse samenleving motn ok in Nederland geproduceerd wordn, noe en in de toekomst. Denk hierbi-j an bescharmingsmiddeln veur de zörg, ’n basis voedselpakket, brandstoffn, bepaolde medicijnen en drinkwater.

17. Antibioticagebruuk bie zowel diern a’s leu wordn beparkt töt wat strikt noodzakelijk is.

18. Wi-j stelln leu centraal en nit de regels, zoa’s bi-jveurbeeld in ‘ dossier kindertoeslag en inkomstnbelasting.

19. Er kömt meer veurlichting en positieve andacht veur de zörgsector in ’t onderwies. Zo blif ok in de toekomst de zörg veur leu beschikbaar.

20. Regelgeving die grote verzörgingstehuuzn prevaleert wordt ofgeschaft. Kleinschalige verzörgingstehuuzen functioneren optimaal, veurzeen in ’n grote behoefte en bint elementair veur de sociale cohesie op ’t platteland en in de wiekn.

21. Het scheidn van partners bi-j opname in ’n verpleeghuus is verleedn tied. Er kömp meer waardering veur de leu in de zörg op de warkvloere, ok structureel financieel.

22. Gezonde (landbouw)huusdiern bint belangriek veur gezonde burgers, dus zeektepreventie en hygiëne staon veurop bi-j ’t maakn en uutvoern van beleid. Ok huusdiern de stad en (wilde) diern in de natuur kunn’n zeek wèèn of zeek wordn. Er kömt goede communicatie över zoönosen; wat bint het en hoevulle risico’s geevn ze veur leu.

23. (Landbouw)huusdiern kenn’n ’n heel goed monitoringsysteem veur ’n groot aantal dierzeektn via de Gezondheidsdienst veur Diern (GD). Er kömt ’n match met de systeemn van de GGD. Wi-j bint ’n veurstander van de One Health benadering, dus ’n combinatie van de humane en de diergeneeskundige anpak veur volks- en diergezondheid.

24. Bi-j ’n uutbraak van ’n mens- of dierzeekte wordt er deur ’n expert/communicatieteam eenduudig en helder gecommuniceerd naor parlement, överheid en burgers.

GEZONDE ECONOMIE:

1. Er kömt voldoonde ontwikkelingsruumte veur producentn die erveur kiezn um in Nederland te blievn.

2. Er kömt voldoonde ontwikkelingsruumte veur ondernemmers zodet zi-j hun bedrief kunn’n överdraagn an de volgende generatie. Zo blievn familiebedrievn beholdn.

3. Er kömt pas nieuwe wet- en regelgeving a’s de kostn die de ondernemmer mot maakn, is openömn in de pries van de productn.

4. Nederland is ’n handelsland. BBB is daorum teegn ’n harde Nexit uut de EU. De EU mot echter gin superstaat wordn, die alle regels veur alle inwoners geet bepaoln.

5. Elke regio in Europa, of dit noe landn of streekn bint, bint uniek en deen’n hun eign tradities en leefwiezn te kunn’n beholdn.

6. Er kömt ’n structurele campagne, gefinancierd deur de overheid, um consumentn te stimuleern in Nederland gemaakte productn te koopn.

7. Överheid en bedriefsleevn kiezn waor meugelijk in kantines, bedriefsrestaurants, zeeknhuuzn en foodservice veur Nederlandse productn en draagn dit ok uut naor de consumentn.

8. Nederland investeert structureel in innovatie- en onderzeuk zodet onze ondernemmers an de wereldtop kunt blievn produceern.

9. Het kwartje van Kok mot, zoa’s 30 jaor eleedn al belööfd, noe eindelijk ma’r eens wordn ofeschaft. Met andere woordn: de brandstofaccijnzn mot wordn terugebracht met dit bedrag. Dit leevert ’t bedriefsleevn ’n grote kostenbespaoring op en de överheid toont zich dan eindelijk ’n betrouwbare partner.

10. En noe wi-j toch bezig bint: waor blif die 1.000 euro van Rutte?

GEZOND ONDERWIJS:

1. Schooln op ’t platteland blievn lös en ‘thuusnaobi-j onderwies’ steet centraal.

2. Alle 150 ekozen Kamerleedn en ’t voltallige Kabinet volgn nao elke verkiezingn, verplicht ’n wekke ’n inboeringscursus op ’t platteland, op minimaal 100 kilometer van hun eign woonplaatse. Daor wordt hen alle facettn van woon’n en werkn op ’t platteland bi-j ebrach deur boern en plattelandsbewoners.

3. Veur alle studentn is ’n basisbeurs beschikbaar.

4. Bi-j nieuw beleid wordt ’n ‘krimpcheck’ toeepast: dus bi-j veurbeeld bi-j ’t invoern van nieuwe onderwiesregels wordt echeckt wat dize regels veur impact hebbn veur de schooln op ’t platteland.

5. Foute of suggestieve informatie över welke sector of groep leu dan ok, verdwient uut de schoolbookn. Schoolbookn waorin nog wordt esproken över warkwiezn die nit meer in Nederland van toepassing bint, zoa’s legbatterieën en kistkalvern, wordn uut ’t onderwies ehaald, dan wel anepast. Veur det schoolbookn en lespakkettn an leerlingn wordn aaneboodn toetst ’n deskundige commissie uut diverse sectoorn ’t lesmateriaal op feitelijke onjuustheedn en propaganda.

6. Onderwiezers op alle schooln wordt verboodn hun eign ideologieën te verspreidn onder leerlingn. Er kömt ’n meldpunt waor leerlingn en olders dit kunn’n meldn. Een deskundige commissie beoordeelt dize klachtn.

7. Achterhaald lesmateriaal över voedselproductie, waorin bi-jvoorbeeld nog esprokkn wordt över legbatterieën en kistkalvern mag in de tussentied op schooln nit meer wordn gebruukt.

8. Voedselonderwies op de basisschooln wordt verplicht. Boerderij-educatie is hierin ’n wezenlijk onderdeel. In de wet wordt hieröver openomn, det de kostn en de arbeid die de ondernemmer daor in stekt volledig wordn vergoed.

9. Vri-jwillige boerderijeducatie wordt better gewaardeerd. De överheid stimuleert boerburgercommunicatie nit alleen in woordn, ma’r ok in daadn en zal dan ok jaorlijks substantieel financieel bi-jdraagn an boerderijeducatie.

10. In de opleiding van alle docentn wordt ’n stage bi-j ’n onderdeel van de agrarische sector verplicht.

11. Op de opleidingn veur Journalistiek wordt landbouw, visserij en platteland ’n verplicht vak.

12. Het veurtgezet, middelbaar, hoger en universitair agrarisch onderwies wordt, in samenwarking met ’t bedrijfsleevn, better gepromoot op basisschooln en voortgezet onderwies. Alleene dan kan Nederland leidnd blievn a’s Agrarisch Kenniscentrum veur de rest van de wereld en zo helpn te zörgn veur voedselzekerheid in de weerld.

13. Gezeen de specifieke uutdagingn en kennis in dize sector valt Agrarisch onderwies onder de verantwoordelijkheid van ’t ministerie van Platteland en nit onder ’t ministerie van Onderwies.

14. Er kömt meer veurlichting um jongern te stimuleern ’n opleiding in de agrarische sector te volgn. De landbouw wordt steeds meer hightech middels bi-jveurbeeld ICT en precisielandbouw. Dus ok hier hef de sector noe iets nieuws te bieden qua onderzeuk en scholing veur ’n groep jongern.

15. Er mot ok in ’t landelijk gebied goede toegang wèèn töt hogeschooln en universiteiten, eventueel via afstandsonderwies, gecombineerd met lesdaagn op locatie. Dit zörgt erveur det hoogopgeleide jeugd veur hun studie nit hoevn te verhuuzen naor de grotere steedn.

16. Dit kan meugeluk op ’t platteland nieuwe impulsn kan stimuleern. BBB wil actieve buurthuuzn in ieder dorp, waor verschillende activiteitn verzörgd wordn door cultureel maatschappelijke warkers. Zi-j künn’n tevens ’n signaleringsfunctie vervulln in de ontwikkeling van de jeugd in de dorpn en daor ’n positieve stimulans an geevn.

GEZONDE MAATSCHAPPIJ:

1. BBB wil ’n Constitutioneel Hof in Nederland, zoa’s ok al in 2018 deur de Commissie Remkes is veuresteld. Gek genog ku-j op dit moment a’s kiesgerechtigde Nederlander weinig doon a’s ’t parlement ’n wet annemt die in stried is met de Grondwet. Met de oprichting van ’n Constitutioneel Hof kunn’n burgers wé laoten toetsn of ’n wet in stried is met de Grondwet. Het Constitutioneel Hof toetst of ’n wet of regel nit in stried is met de fundamentele rechtn en vri-jheedn of met ’t geliekheidsbeginsel zoa’s die in de Grondwet bint vastelegd. Het Constitutioneel Hof mot ok de meugelijkheid kriegn um conflicten tussn wet- en regelgeving tusen verschillende provincies te toetsn. Ok beslist het över ’n correct veloop van verkiezingn en referenda en över de rechtsgeldigheid. Van hoge mandaatn zoa’s die van ’n Kabinet of ’n parlementslid. Artikel 120 van de Nederlandse Grondwet, det de rechter verbiedt um de wet te toetsn an de Grondwet wordt daornaost eschrapt. Het Constitutioneel Hof mot laagdrempelig wèèn.

2. Meer geld veur politie en handhaving. Kleinere politietaakn wordn nit zonder meer ofeschoven op BOA’s, zonder det dize de middeln hebbn um zich te bescharmn. De politie mot substantieel meer agentn kunn’n opleidn. De politiepostn op ’t platteland keern terugge.

3. Iederene in Nederland verdeent gelieke kansn. Daor hoove wi-j gin hele paragraaf an te wijdn.
Racisme en discriminatie bint ontoelaotbaar en strafbaar. Punt. Veur BBB maakn kleur, leeftied, ofkomst, seksuele geaardheid en religie niks uut. Discriminatie is verboodn. Dus ok positieve discriminatie. Leu die solliciteert bi-j de overheid wordn beoordeeld op basis van kwaliteit en nit op basis van geslacht, lichamelijke beparking, kleur, seksuele geaardheid, religie of wat dan ok. Er kömt dan ok GIN vrouwenquotum, of welke quota dan ok bi-j överheidsdienstn. Het enige quotum det er kömt is ’n kwaliteitsquotum: 100 procent van de warknemmers hef de beste kwaliteitn.
Bi-j ’t toewiezn van woningn wordt ekekkn naor urgentie en nit naor ofkomst. Dit beteeknt det de ene bevolkingsgroep nit meer of minder of eerder recht hef op ’n (betaalbare) woning dan de andere bevolkingsgroep, puur op basis van ofkomst. Dit geldt över en weer.

4. Vake wordn gesprekkn op televisie met leu die van ’t platteland kömt (Limburgers,Tukkers, Freezn, Braobanders, etc.) standaard veurzeen van ondertiteling. BBB vindt dit discrimineernd. BBB wil dat alle gesprekkn op televisie waorin gin Standaard Nederlands wordt esprökn, wordn ondertiteld. Dus ok a’s iemand plat Amsterdams,Haags, Rotterdams, Goois of Utrechts sprekt. Gelieke monnikn, gelieke kappn.

5. De Nederlandse land- en tuinbouw hooft de weerld nit te voedn, ma’r kan wè HELPN de weerld te voedn. Deur boern in Nederland te holdn, blif ok de kennis över voedselproductie in Nederland. Dize kennis kunt wi-j inzettn in landn waor voedselzekerheid nit vanzelfsprekknd is. Voedselschaarste leidt tot sociale onrust, armoede, burgeroorlöögn en daormet immigratiestroomn. Dit is onwenselijk. Nederland helpt dize landn met hun landbouwkennis voedselzekerheid te verkriegn.

6. Leu die echt op de vlucht bint veur oorlöögn, of van wie hun leevn en/of det van hun gezin ernstig wordt bedreigd en det kunt antoon’n, bint welkom in Nederland, veur de tied die daorveur neudig is. Veurkeur hef ‘t, um d’r veur te zörgn det dize leu in eign regio’s wordn opevangn. Dit maakt ’t gemakkelijker um dize leu – wanneer det weer meugelijk is – in te zettn bi-j de wederopbouw van hun land.

7. Immigrantn die NIT uut ’n oorlogsgebied kömt, motn kunn’n antoon’n det zi-j in Nederland vast wark en ’n onderkömn hebbn. A’s zi-j dit kunt bewiezn én de Nederlandse taal goed machtig bint, wordn zi-j toeelaotn. Nao vief jaor te hebbn bi-jedraagn an de Nederlandse maatschappij en economie, kunt zi-j in anmarking kömn veur ’n permanente verbliefsvergunning.

8. Economische gelukszeukers zonder wark en inkömn wordn nit toeelaoten of zo gauw meugelijk uutezet naor eign land. Nederland nemt alleen aantoonbare oorlogsslachtoffers of aantoonbaar ernstig bedreigde leu op.

9. Er kömt ’n herijking van de Natura 2000 gebiedn. Te vulle aneweezn gebiedn, of gebiedn die oneigenlijk bint aneweezn, wordn eschrapt.

10. Mettn = weetn. Nieuw överheidsbeleid wordt gebaseerd op concrete metgegevens in plaatse van op annames en modelln.

11. Lokale partieën kriegn naor antal zetels in gemeenteraodn en Provinciale Staatn ’n geliekweerdige partijsubsidie zoa’s landelijke partieën in de Tweede Kamer noe ok kriegn.

12. BBB trekt nit an ’n dood Konikpeerd. Wi-j warkn nit met wensnatuur, ma’r stelln reële natuurdoeln. Miljoenn euro’s stoppn in kansloze projectn is verleedn tied.

13. Het landschap is effen vulle weerd a’s ’t klimaat. Er kömt gin zonnepaneeln in ’t buutengebied zolange er nog leuge daakn en terrein’n bint. Nieuwe zunneparkn wordn getoetst an de ‘zunneladder’ of ’n vergeliekbaar ofwegingskader.

14. Er kömt betaalbare woningn veur starters op de woningmarkt. Veur Zogenaamde scheefhuurders’ kömt woningn beschikbaar um deurstroming meugelijk te maakn. Wie kleiner wil gaon woon’n mot ’n redelijk alternatief eboodn wordn.

15. De stemme van de burger wordt tussn verkiezingn deur ehoord bi-j belangrieke besluutvorming (bi-jveurbeeld) över zien lééfumgeving. Dit gebeurt bi-jveurbeeld via (lokale of regionale) referenda en/of volkspeilingn. Te denkn valt an ’n volkspeiling bi-j de anleg van mega-zunneparkn of windmölns in ’t buutengebied en op de Noordzee en in ’t Iesselmeer.

16. Subsidies veur zunnepaneeln wordn gebruukt veur de anleg van paneeln op bedriefsdaakn en geluudsscharmn, in plaatse van op (landbouw)grond.

17. Nederland telt ruum 139.000 kilometer verharde weegn. Onderzocht mot wordn of in vangrails kleine zunnepaneeltjes künn’n wordn anebrach. Zo wordt landschapsvervuiling teegnegaon en kan vulle greune energie wordn opewekt.

18. BBB is echter ’t meeste veur kernenergie a’s schone energiebron. Veur’n structurele energieproductie, zonder antasting van ons mooie landschap, zonder anpassing van ons energienet kunn’n veilige kerncentrales ebouwd wordn. Gin CO2 uutstoot en ’n goedkope grondstof. Nieuwe techniekn biedn nieuwe veilige inzichtn: w.o. kernenergie.

19. Greunofval wordt nit estokt in biomassacentrales, ma’r inezet ter verbettering van de bödm en bevordering van de greui van plantn.

20. Boernnatuur is ok natuur en wordt a’s zodaonig deur de överheid erkend, gewaardeerd en gestimuleerd. Natuurorganisaties gesubsidieerd deur de överheid, nemt ’t belang van behold van boernnatuur met in hun campagnes en draagn actief uut dat boernnatuur ok natuur is.

21. De subsidiestroom naor ‘goede doeln organisaties’ en actiegroepn die politiek bedrievn, en zo ‘ democratisch proces beïnvloedn, wordt estopt. Goede doeln-organisaties die met hun activisme ‘ leevn in gevaor brengn van boern, burgers en vissers, wordt de ANBI-status ofenömn, zodet zi-j gin belastingveurdeel meer hebbn.

22. De uutkoop van boern um greune economie (landbouw) in te ruiln veur grieze economie (industrie) wordt estopt. Boern maakn gin luxeproductn, ma’r noodzakelijke productn:voedsel. Dit vormt naost zuurstof en water ’n eerste levensbehoefte. Voedselmakers jaag ie-j nit weg uut Nederland, die behold ie-j veur Nederland.

23. Er kömt gin uutbreiding van Natura 2000 gebiedn. Het uutkoopn van boern um de instandholdingsdoeln an de randn van Natura 2000 gebiedn te bereikn is onneudig en hef gin positief effect. Het mag nit zo wéén det er deur subsidieregelingn rondum Natura 2000 gebiedn vervolgens uutrookbeleid evoerd wordt, umdet achterblievende veeholders gin ontwikkelingsruumte meer ebödn wordt.

24. De in ’t verleedn uutevoerde maotreegln in Natura 2000 gebiedn wordn etoetst op resultaat um te veurkömn det nog meer miljardn euro’s verspild wordn.

25. BBB wil de daodwarkelijke ofesprökn natuurweerde evalueern met onafhankelijke bioloogn, en indien de instandholding realistisch is dize (zoa’s die ene specifieke bloome, det ene specifieke diertje, plantje of insectje) in een Natura 2000 gebiedbescharmn.

26. Rond zo’n specifiek gebied wordt ’n figuurlijke rode contour etrokkn. Boern buuten die rode contourn blievn hun ontwikkelingsruumte holdn. Zo waarborge wi-j de productie van gezond voedsel veur iederene en ’t bestaonsrecht van onze land- en tuinbouw en daormet ’n lééfbaar platteland met voldoonde bedrievigheid, warkgelegenheid, kansn veur recreatie en toerisme, landschapsbeheer en natuurbeheer en sociale binding tussn boern en burgers.

27. Natura 2000 gebiedn mottn zo vulle a’s meugelijk beleefd kunn’n wordn deur ’n mense. Ontoegankelijke natuurgebiedn wordn per direct openesteld. De burger betaalt er via de belastingn an met en hef de’r recht op um van dize gebiedn te genietn én te controleern wat er met zien of haar belastingcentn is gebeurd.

28. Wi-j mottn goed zörgn veur de natuur, zeggn de Raad van Staate en de Europese Commissie. BBB is ‘ daor met eens. Echter hóe wi-j det mottn doon, steet in gin enkele wet. Stikstofreductie is gin middel det deur de Europese Commissie of de rechtspraoke is opelegd. Het teruggebrengn van de snelheid van 130 naor 100 km/u had op basis hiervan nit enömn hoevn te wordn en wordt dus terugedreid.

29. Alle stikstofmaotreegln gaon van taofel en er kömt gin nieuwe maotreegln. Zolange de agrarische sector onder ‘t, deur de EU verplichte, stikstofplafond blif, is er in principe gin enkele reedn um via miljardn kostende stikstofmaotreegln de natuur te herstelln.

30. Er wordt ekekkn naor doelmaotige alternatievn veur de stikstofmaotreegln. Een verzoerd natuurgebied kan bi-jveurbeeld heel eenvoudig wordn hersteld deur ’t toevoegn van kalk. Een methode die deur boern en tuinders al eeuwn wordt toeepast op hun eign bödm. Ratio geet bövn emotie.

31. De zogeneumde Kritische Depositieweerdes (de hoevulheid stikstof die mag neerslaon op ’n natuurgebied) bint onhaolbaar. A’s alle vee, alle verkeer, alle leu, alle luchtvaart en alle industrie uut Nederland is verdwen’n, dan nog is de stikstofdepositie in tientalln natuurgebiedn te hoge. Er kömt haalbare normn waordeur ’t mooie karakteristieke Hollandse landschap bescharmd en beheerd blif.

32. Natuur en milieu, stopt nit bi-j de grens. Er kömt Europese doelstellingn en samenwarkingn bi-j ’t behold en verbettering van natuur en milieu. Dit in plaatse van bövenwettelijke Nederlandse doelstellingn en eisn.

33. Gemeenteraodsleedn kiezn de leedn van de Eerste Kamer en nit Provinciale Staatn. Hiermet blif ’t lokale geluud in de landelijke politiek (Eerste Kamer) ok gewaarborgd.

34. De Omgevingswet, de lokale participatie, het beleggn van taakn en bevoegdheedn bi-j de gemeente is ’n goede zaak, echter de nieuwe Omgevingswet kan leidn töt ’n willekeur an regels, die per gemeente anders bint. Beleid mot wordn ebaseerd op objectieve uutgangspuntn en meetmethodiekn. Waor neudig en waor de situatie erum vraogt, zal ’t beleid soepeld’r of strenger mottn wéén. Waor ’t nit neudig is, geldn de landelijke regels.

35. Moeilijke vraogstukkn die qua kennis bövn de pette van gemeentn gaon, mottn in overleg met provincies en landelijke overheid wordn behandeld. Gemeentn mottn nit zelf het wiel gaon uutvindn.

36. Procedures en regels in de Ömgevingswet mot veur iederene eenvoudig blievn en nit te kostbaar om uut te voern.

37. Elk bedrief det zich ontwikkelt, is toekomstbestendig. Gemeentelijke ontwikkeling van bedriefs- en stalsysteemn, uutstoot van schadelijke) stoffn en vergreuning wordn bekekkn en behandeld a’s één geheel. Dit totaalplaatje wordt deurvertaald in een omgevingsplan.

38. De överheid stimuleert det plattelandsgemeentn lokaal en klein kunn’n blievn en reikt ze daorveur actief (fi nanciële) middeln an.

39. Plattelandsgemeentn wordn nit edwongn om uut financiële overwegingn te fuseern met ’n stad tot ’n supergemeente. Het risico nao zo’n fusie is groot det de veurmalige kleine gemeentn, die noe autonoom bint en dichte bi-j de bevolking staon, wordn överschreeuwd of överruled deur de ‘grote stadsbreur’. De kloof tussn burger en överheid mot wordn verkleind en ’n ‘supergemeente’ steet te verre of van de bevolking.

40. Er kömt voldoonde woningn veur jongrn op ’t platteland. Zo wordt de diversiteit van jong en old op ’t platteland beholdn en leugloop veurkömn. Leugloop leidt töt verpaupring en onleefbaarheid.

41. Wi-j geevn meer andacht an bestrieding van criminaliteit op ’t platteland um zo drugskartels en rondriedende bendes, die uut bint op bi-j veurbeeld GPS apparatuur, gin kans te geevn. Ok hier geldt: meer geld en middeln veur politie en handhaving.

42. Er wordt eerst zovulle meugelijk op de leuge en beschikbare plekkn binn’n de bestaonde kern’n/steedn ebouwd. Zo wordn vruchtbare landbouwgrond en ’t unieke cultuurlandschap op ’t platteland beholdn. Pas als binnendorps bouwn nit ofdoonde blijkt, wordt er ebouwd um de kern’n hen.

43. In de steedn wordt meer greun anelegd veur de recreatie en ontspanning van de stadsbewoners. Dit is goed veur ’t klimaat en zörgt veur minder hoge temperatuurn in de volle en drukke stad.

44. Landelijke regels umtrent tradities, folklore en cultuur kriegn ’n plattelandstoets. Getoetst wordt of de regelgeving vanuut Den Haag wel relevant is veur ’t platteland en wat de gevolgn bint veur de onderlinge sociale binding, de cultuur en naoberschap op ’t platteland.

45. BBB wil ’n överheid die transparant te wark geet, en eerlijk is över waor beleid veur inezet wordt. De överheid heurt dienstbaar te wéén an haar inwoners en integer te wark te gaon.